Esploratu ingurua gure mapekin
Hemen joan-etorriko ibilbide ezberdinak azaltzen dira, beti ere Zingira Kanpinean amaitzen direlarik.
Beste aukera bat izango zen, bideak laburtze aldera, autoz ibilbide hauetara hurbiltzea, bai Errotatik, Manterolako aparkalekutik edo Iturrarango aparkalekutik abiatuta.
Aia, Orio eta Zarauztik oso gertu gaude baita ere, eta bertara ere oinez iritsi gaitezke.
Ibilbide bakoitzean kilometro kopurua azaltzen da, eta iraupena oso ezberdina izan daitekeen arren norberaren abiaduraren arabera, estimazio bat ere ipini dugu, beti ere erritmo lasai batean ibiliz.
Dena oinez egin ez nahi duenarentzat, hona hemen hiru aparkaleku Pagoetara hurbiltzeko:a) Errotako aparkalekua, b) Manterola/Agorregiko aparkalekua eta c) Iturraran.
Hiruetarako edozeinera iristeko:
Zingiratik 1,1km jaitsi eta aurreneko ezkerreko sahiets bidean jada Errotan gaude.
Orio-Zarautz N-634 raino iristen bagara barriz, ezkerretara jo beharko genuke Zarautz aldera. Errepideak gora egingo du, eta jaisten hasi baino lehen ezkerrera hartuko dugu, Aiara doan GI-2631 errepidea.
Behin errepide hori hartuta:
b) Manterola/Agorregi aparkalekua.
Errepide horretan 2km egin ondoren ezkerretara Manterolarako errepidea GI-4164 hartu besterik ez dugu, eta 800m egin ondoren bertan gara.
c) Iturrarango aparkalekua.
GI-2631 errepidea jarraitu, eta Manterolako bidegurutzetik beste1,5km eginez gero, ezkerretara ikusiko dugu Iturraran aldera eramango gaituen seinalea(markatuta dago)
d) Aiara iristeko jarraitu GI-4164tik.
8 km 2 ordu
Asfaltatutako pista hau jarraituz Kamio izeneko baserri bateraino iritsiko gara, hemendik bidexka batetik jarraituko dugu. Bide hau ez dago ongi markatua. Erreka jarraitu behar da, errekatxo bat bidean bertan azalduko zaigun arte. Errekatxo hau gurutzatu eta laster bideak goraka egingo du, eskailera batzuen bidez berriz behera eta erreka aldera egin arte.
Piska bat jarraitu, zubi bat igaro eta Manterolako aparkalekura iritsiko gara. Aparkaleku honetatik abiatuta ibilbide ezberdinak egin ditzakegu.
Aparkalekua eskubitara utzi eta km bat jarraituko dugu asfaltatutako errepidetxo batetik eta hórrela Agorregira iritsiko gara.
OHARRA: Manterolaraino autoz Joan nahi izanez gero ikusi errepideen planoa.
8 km 2 ordu
3,5 km ordubete
Aparkalekua eskubitan utzi eta asfaltatutako pista bat jarraituko dugu, eta 1,1 km jarraituz Agorregiko burdinolara iritsiko gara. Hemendik aurrera GR-35ak( txuri/gorria) gure bidearekin bat egingo dugu, eta hortaz, marka txuri-gorri-berdeak jarraitu beharko ditugu.
AGORREGIKO burdinola ikusi ondoren, bideak ITURRARANera eramngo gaitu. 3 bide daude bertara iristeko.
-Planoan azaltzen den aurreneko ataka igarota, hemendik Iturrarango aparkalekuraino iritsiko gara.
-Aurreneko bidetik, aurreneko ataka hori ezkerreta utzita, igo, eta talaia batetik igaro ostean, parkeko bulego-baserriraino eramaten duena.
-Planoan nabarmenago azaltzen den bidea jarraituz.
Hiru bide hauek dexenteko aldapa dute.
Behin Iturraranen, informazio bulegoaren atzetik igaro behar dugu beti ere marka txuri/ berde/gorriak jarraituz. Une batean GR-35a ( txuri/gorria) Zarautz aldera desbideratzen da. Guk berriz aurrera jarraituko dugu seinale txuri berdeak jarraituz.
OHARRA: Ikusi errepideen mapan nola joan ITURRARANERA autoz.
3,5 km ordubete
11 km 4 ordu
Kanpin barrutik bertatik ere bada bidetxo bat (harreran galdetu) Pagadi eder batetara eramaten duena, eta bide honek ere kanpinaren atzekaldetik doanarekin bat egiten du 500m inguru egin ostean.
Euria egin badu litekeena bi bidexkak lokaztuta aurkitzea.
Txuriz eta horiz markatutako bidexka jarraituz asfaltatutako errepide txiki batetara iritsiko gara. Errepide horretatik eskubialdetik jo behar dugu eta 250m egin ondoren Aiara doan errepidearekin bat egingo dugu. Errepidetik 150m egin eta gero eskubitara igo behar dugu bidexka batetik seinale txuri-horiak jarraituz.
Hortik gutxira berriz errepidearekin aurkituko gara baina guk gurutzatu eta aurrera jarraituko dugu. Laster helduko gara baserri eta etxe batzuen ondotik igarota Aiako herrira.
Behin Aian, herriko plaza gurutzatu eta frontoiaren goikaldetik igaro ostean eskubitara dijoan bide bat hartu behar dugu GR-35 (txuri-gorria). Bide hau jarraituz Agorregira iritsiko gara.
Agorregitik berriz, Manterolara joan gaitezke berriz Zingirara itzultzeko.
11 km 4 ordu
6 km 2 ordu
Postontziak dauden zubitxotik igaro gabe, eskubitik gora igo behar dugu, etxeen artetik, aldapa esnaguratsu bat. Behin etxeak atzean utzita ataka batzuk igaro beharko ditugu.
Pasarte batzuetan ez dago bidea oso ongi seinalizatua, baina behin goialdera iritsita azkar ikusiko ditugu Orio eta itsasoa.
Bideak hemendik aurrera beheraka egingo du, nahiko leun lehenik eta gero penditza nabarmenagoekin. Behean GI-370 errepidearekin egingo dugu bat, Orio eta Aia lotzen dituen errepidearekin. Ezkerretara jo eta laster biribilgune batera iritsiko gara, tren geltokiaren ondotik igarota. Zubia igaro eta Orion gaude.
Behin Orion, herri dena gurutzatu eta hondartzara jo dezakegu, edo Oria ibaiaren ertzetatik paseatzen jarraitu.
Eta gehiago ibili nahi badugu, Zarautzera jo dezakegu, horretarako, zubia gurutzatu eta Oriora jo ordez, biribilgunean ezkerretara jo beharko dugu eta seinale txuri/horiak (PR-GI 201) jarraituz eta 5 km-ko ibilaldiaren ostean iritsiko ginateke Zarautzera.
6 km 2 ordu
Hareatzak, herriak eta berdea itsasoraino hedatzen duten kostaldeko mendiak (besteak beste, Jaizkibel) txandatzen dira Gipuzkoako 86 kilometroko itsasertzean. Deba eta Zumaia artean, bi egitura geologiko ikusgarri erakusten dituzte itsaslabarrek: ‘flysch’ delakoa eta marearteko zabalgunea.
Gipuzkoak turismorako eskaintzen dituen aukerak ez zaizkio ondo egokitzen ‘eguzkia eta hondartza’ proposatzen duen ereduari. Hala eta guztiz ere, 17 hondartza eder ditu; garbiak, erosoak eta, gehienetan, herrian bertan daudenak. Hondartza horiek guztiak ezinbesteko baliabidea dira udan Kantauri itsasoaz gozatzeko eta, neguan, olatuak lagun ditugula, ibilaldi lasaiak egiteko. Ezagunenak Zarauzko eta Kontxako hondartzak dira; Gipuzkoako luzeena eta dotoreena, hurrenez hurren. Edonola ere, denetariko hondartzak aurkituko ditu bisitariak Saturraran (Mutriku) eta Hondarribia artean.
Maiz ibaien ahoetan sortutako kostaldeko herriek nortasun sendoa eta interesgune ugari dituzte. Guztiek -Mutrikuk, Debak, Zumaiak, Getariak, Zarautzek, Oriok eta Hondarribiak- merezi dute bisita. Itsas pasealekua eta hirigune historiko bikaina dituen Hondarribia bereziki ederra da. Nabarmentzeko modukoak dira, halaber, Getaria eta Mutrikuko arrantzale kutsua, Zumaiako bi hondartzak eta Zarautzek duen tradizio turistikoa.
Eremu berderik ere badu Kostaldeko Gipuzkoak, itsasotik hurbil dauden Aiako Harria eta Pagoetako parke naturaletan.
Gipuzkoak turismorako eskaintzen dituen aukerak ez zaizkio ondo egokitzen ‘eguzkia eta hondartza’ proposatzen duen ereduari. Hala eta guztiz ere, 17 hondartza eder ditu; garbiak, erosoak eta, gehienetan, herrian bertan daudenak. Hondartza horiek guztiak ezinbesteko baliabidea dira udan Kantauri itsasoaz gozatzeko eta, neguan, olatuak lagun ditugula, ibilaldi lasaiak egiteko. Ezagunenak Zarauzko eta Kontxako hondartzak dira; Gipuzkoako luzeena eta dotoreena, hurrenez hurren. Edonola ere, denetariko hondartzak aurkituko ditu bisitariak Saturraran (Mutriku) eta Hondarribia artean.
Hareatzak, herriak eta berdea itsasoraino hedatzen duten kostaldeko mendiak (besteak beste, Jaizkibel) txandatzen dira Gipuzkoako 86 kilometroko itsasertzean. Deba eta Zumaia artean, bi egitura geologiko ikusgarri erakusten dituzte itsaslabarrek: ‘flysch’ delakoa eta marearteko zabalgunea.
Maiz ibaien ahoetan sortutako kostaldeko herriek nortasun sendoa eta interesgune ugari dituzte. Guztiek -Mutrikuk, Debak, Zumaiak, Getariak, Zarautzek, Oriok eta Hondarribiak- merezi dute bisita. Itsas pasealekua eta hirigune historiko bikaina dituen Hondarribia bereziki ederra da. Nabarmentzeko modukoak dira, halaber, Getaria eta Mutrikuko arrantzale kutsua, Zumaiako bi hondartzak eta Zarautzek duen tradizio turistikoa.
Eremu berderik ere badu Kostaldeko Gipuzkoak, itsasotik hurbil dauden Aiako Harria eta Pagoetako parke naturaletan.
